Elon Muskගේ xAI සමාගමට අයත් Grok Imagine AI මෙවලම භාවිතයෙන් හෝමර්ගේ සුප්රසිද්ධ The Odyssey කාව්යය පදනම් කරගත් සම්පූර්ණ දිග චිත්රපටයක් නිර්මාණය කිරීමට සැලසුම් කර තිබේ.
Elon Musk සිය X ගිණුමේ පළ කළ සටහනකින් ප්රකාශ කර ඇත්තේ 2026 වසර අවසන් වීමට පෙර Grok Imagine මගින් “ඓතිහාසිකව නිවැරදි සහ හෝමර්ගේ කලා නිර්මාණයට සැබෑ” The Odyssey චිත්රපටයක් නිර්මාණය කරන බවයි.
මෙම නිවේදනය සමඟ Grok Imagine භාවිතයෙන් නිර්මාණය කළ බව සඳහන් වන මිනිත්තු තුනක පමණ වීඩියෝවක්ද Musk විසින් බෙදාගෙන තිබේ.
එහි Odysseus සහ Calypso අතර සිදුවීමක් AI මගින් දෘශ්යකරණය කර ඇත. කෙසේ වෙතත්, චිත්රපටයේ නිෂ්පාදන ක්රියාවලිය, බෙදාහැරීම හෝ නිල නිකුත් කිරීමේ දිනය පිළිබඳ වැඩිදුර තොරතුරු මෙතෙක් හෙළි කර නොමැත.
මෙම ප්රකාශය සිදුකර ඇත්තේ Christopher Nolan විසින් අධ්යක්ෂණය කළ The Odyssey චිත්රපටය නිකුත් කිරීමෙන් පසුවය. Matt Damon, Anne Hathaway, Lupita Nyong’o සහ Elliot Page ඇතුළු නළු නිළියන් රංගනයෙන් එක්වන Nolanගේ චිත්රපටයේ චරිත තෝරාගැනීම් සම්බන්ධයෙන් Musk මීට පෙර විවේචන ඉදිරිපත් කර තිබුණි.
කෙසේ වෙතත්, Nolanගේ The Odyssey චිත්රපටය නිකුත් වූ පළමු සති අන්තයේදී ලොව පුරා ඩොලර් මිලියන 264කට වැඩි ආදායමක් ලබාගනිමින් විශාල වාණිජ සාර්ථකත්වයක් වාර්තා කළේය.
Nolan මීට පෙර චිත්රපට නිෂ්පාදනයේදී AI තාක්ෂණය භාවිත කිරීම පිළිබඳ අදහස් දක්වමින්, AI මගින් මිනිස් නිර්මාණශීලීත්වය සහ නිර්මාණකරුවන් සම්පූර්ණයෙන්ම ප්රතිස්ථාපනය කළ හැකි බවට පවතින අදහස ප්රතික්ෂේප කර තිබේ.
හෝමර්ගේ The Odyssey කෘතිය ග්රීක මිථ්යා කතා සහ පුරාවෘත්ත මත පදනම් වූ කාව්යයක් බැවින්, Musk සඳහන් කරන “ඓතිහාසිකව නිවැරදි” අනුවාදය කුමන ආකාරයෙන් නිර්වචනය කරනු ඇත්ද යන්න තවමත් පැහැදිලි නැත. එසේම සම්පූර්ණ දිග AI චිත්රපටයක චරිත අඛණ්ඩතාව, සංවාද, දෘශ්ය තත්ත්වය සහ ප්රකාශන අයිතිවාසිකම් කළමනාකරණය කිරීම Grok Imagine සඳහා විශාල තාක්ෂණික අභියෝගයක් වනු ඇත.
